Geadopteerd
Zielig steet de afvalbak door zonder zien 'benkske' naost de zandbak an de Kerkhoflaan. Met een mooie sticker d'r op waorop steet dat hi-j/zi-j geadopteerd is. Wat hölt dat now eigenlijk in? Bunt d'r argens pleegolders of 'n andere instantie die door veur um/eur zörgt? Dit idee is op-ezet deur de gemeente um de kosten te drukken veur 't leug halen van de bakken, anders wordt al die afvalbakken uutendelijk verwijderd. Maor alleen een afvalbak an een wandelpad steet toch wel arg zielig.
Ik heb nog met mien stramme bötten eprobeerd um op de afvalbak te gaon zitten, maor dat liep bi-jnao slecht af.
Bun toen maor in de zandbak doornaost gaon zitten. Dikke jas an, de ogen dicht en met 't gezicht in de zonne en maor proberen te fantaseren aover Zelhem an zee. Af en toe èèn oge los um wat in de afvalbak te smieten. Toen d'r ok nog iemand bi-j wol kommen zitten was 't plezier d'r rap af. Met meute kwam ik umhoge en ging weer richting 't darp. Ik kon niet naolaoten um af en toe effen achterumme te kieken. Wat was dat toch een mooi plekske veur een 't 'Benkske'.
Goed gaon,
Gait de strieker (Gerbert Abbink),
Magnoliaweg 13, Zelhem